XORNADA 4
10/10/2009 CALVO XIRIA 24 – PEGURFORM S.A.R. 30
Calvo Xiria 24 (10+14): Quique, Cuco (1), Angel, Alberto (8), Pablo, Christophe, Chimpo (5) -equipo inicial- Iago, Zas (3), Manuel (5), Ramón, Jesús (2) e Iván
Peguform S.A.R. 30 (16+14): Yuri, Eduardo (12), Luis (3), Antón (3), Manuel (1), David (2), Damián (1) -equipo inicial- Ricardo (1), Xan, Agustín (1), Gustavo, Daniel, José (6) e Eloy.
Colexiados: Sres. Portela e González.
Parciais: 1-2, 2-6, 4-8, 6-11, 7-13, 10-16, 13-18, 15-20, 15-23, 16-25, 19-28, 24-30.
Segunda derrota consecutiva do Calvo Xiria na liga de 1ª Estatal masculina. O resultado final de 24 – 30 fala ben ás claras da superioridade amosada polos visitantes ao longo dos sesenta minutos, no descanso o marcador xa era claramente favorable aos mesmos cun parcial de 10-16.
Mal partido do Xiria, que xa no minuto trece cedía no marcador seis goles de diferenza nun partido marcado polas imprecisións dos locais, dos primeiros tantos visitantes catro foron marcados por graves erros no contraataque do Calvo que entregaron o balón ao seu rival en situacións inmellorables para acadar gol.
Os experimentados xogadores da SAR souberon tirar proveito dos agasallos carballeses e marcar o ritmo do partido que máis lle conviña. Tampouco estivo moi atinado o conxunto local no ataque posicional e ben por erros propios ou por acertos da defensa 5:1 dos redondeláns seguiu a perder balóns que se transformaban en goles cómodos para os xogadores de Carlos Rey.
O único salvable dos carballeses neste encontro foron a intensidade e o orgullo posto no encontro xa que doutro xeito a diferenza final puido ser de escándalo xa que a falta de dez minutos o marcador amosaba un preocupante 18 – 28.
