19

David López Veleiro convértese, tras Borja, na segunda incorporación do equipo de Marcos Rodríguez para a temporada 2008-2009. O equipo carballés deste xeito refórzase con un xogador que desenvolve o seu xogo no posto de lateral, fortalecendo así a primeira liña do equipo, así como apuntalando a defensa, aspecto no que foi un dos artífices de que a SD Teucro conseguise a permanencia na liga Asobal.

David, que ten 28 anos e mide 1,93 m, procede da SD Teucro, equipo no que militou nas últimas campañas na División de Honor B e na Liga Asobal, acadando hai dúas temporadas o ascenso a Asobal e na pasada campaña conseguindo salvar esta categoría e rematando co seu equipo nun merítorio décimo posto na clasificación. É un xogador con experiencia na 1ª Estatal posto que militou nesta categoría no Infovigo, no Bueu e no Riveira. Ademais foi internacional coa selección española xuvenil e coa coa selección española junior coa que conseguiu un subcampionato do mundo.