Ir ao contido
BalonmánXiriaFaite socio

GARAYSA XIRIA 17 – BM. TUI 16

18/12/2004 11ª XORNADA Garaysa Xiria: Raquel (porteira), Juana (4), Iria (3), Paula, Marta (2), Marta Nuñez, Cristina, Adriana, María F., Yanín (2), Maria García (4), Jessica e Sheila (2). Bm.…

18/12/2004 11ª XORNADA

Garaysa Xiria: Raquel (porteira), Juana (4), Iria (3), Paula, Marta (2), Marta Nuñez, Cristina, Adriana, María F., Yanín (2), Maria García (4), Jessica e Sheila (2).

Bm. Tui: Yesenia, Sonia (3), Monica (2), Laura Gonzalez (1), Alba (1), Viviana (5), Elia, Iria (4), Laura Fraguas, Eva e Irene.

Encontro disputado o pasado sábado na pista carballesa do Pavillón Bergantiños. Partido moi igualado durante os sesenta minutos con alternativas no marcador e un tempo para cada equipo, a primeira metade para os visitantes e a segunda para as carballesas.

Comezaba o encontro coa igualdade que reinou en todo o choque aínda que case sempre levaban a iniciativa o equipo foráneo que parecía que ía rompe-lo partido mediade esta primeira metade debido a varias perdidas de balón por parte das carballesas no ataque estático que aproveitaban as de Tui no contragolpe índose ó descanso con catro goles de renda 7-11.

Cambiou o panorama na segunda metade, as de Carballo aplicáronse en defensa o que propiciou as dificultades das tudenses para anotar e no ataque as rapazas de Rande movíanse con maior soltura e anotaban de maneira sinxela, incluso de contraataque, materia pendente das carballesas. Con todo isto o Garaysa xa tiña enxugada a desvantaxe ós dez minutos desta segunda metade, momento no que se puñan por diante no electrónico ata o remate do encontro apesares da calamitosa actuación do colexiado José Sanmartín que prexudicou as locais de maneira ostensible. Destacar o tesón, forza e actitude que mostraron as rapazas de Rande nesta segunda metade.
O colexiado Sr. Sanmartín realizou mal partido.