LAS CINCO JOTAS LAVADORES 30 – CALVO XIRIA 28
1ª DIVISIÓN ESTATAL – XORNADA 04 15/10/2011 LAS CINCO JOTAS LAVADORES 30 – CALVO XIRIA 28 Las Cinco Jotas Lavadores 30 (13+17): Daniel [p], Mario (9, 3 de 7 metros),…
1ª DIVISIÓN ESTATAL – XORNADA 04
15/10/2011 LAS CINCO JOTAS LAVADORES 30 – CALVO XIRIA 28
Las Cinco Jotas Lavadores 30 (13+17): Daniel [p], Mario (9, 3 de 7 metros), Yago (4), Fernando (3), Nicolás, Rubén (4), José (2) -equipo inicial- David [p], Celso (1), Joaquín, Marcos, Edgar (1), Iván (6), Óscar.
Calvo Xiria 28 (14+14): Kike [p], Dubra, Jesús (5), Manu (7), Ángel (1), Cuco (2), Pablo (4, 1 de 7 metros) -equipo inicial- Iago [p], Ramón, Miguel (1), Álex García , Álex Zas (4), Sergio (4), Brais.
Colexiados: Srs. Parra López e Parra Sánchez, do colexio de Castilla La Mancha. Excluíron aos locais Fernando (35 e 50), Marcos (39 e 45), José (47) e Mario (57), tamén aos xogadores visitantes Cuco (11, 32 e 46, polo que viu o cartón vermello no minuto 46), Miguel (25), e Dubra (40).
Marcador: 3-2, 5-6, 7-7, 9-9, 11-12, 13-14 (descanso); 17-15, 20-17, 21-19, 23-21, 27-25, 30-28 (final).
7 metros: Las Cinco Jotas Lavadores: 3 / 3 ### Calvo Xiria: 1 / 4
Segundo partido que disputaba o Calvo Xiria como visitante na liga de 1ª Estatal e segunda derrota dos carballeses. Os dous puntos quedaron en Lavadores, os primeiros que consegue o conxunto vigués na presente tempada.
Repetiuse o mesmo guión que hai dúas semanas en Zamora, un Calvo Xiria con pouco acerto defensivo. Nos segundos trinta minutos o feito de non ser capaz de atallar os ataques locais cando tiña un xogador menos o Lavadores (neses trinta minutos tres exclusións carballesas por seis dos vigueses), sentenciaron o encontro a favor do conxunto olívico que soubo manexar a renda de cinco goles que chegou a acadar no minuto 42 de xogo, non permitindo que en ningún momento o equipo carballés puidese levar a iniciativa no electrónico.
As dúas caras tan diferentes que está a presentar o Calvo Xiria no inicio da liga está a ser un lastre enorme para acadar máis puntos para achegarse de inicio á parte alta da táboa: por unha parte está o conxunto que basea o seu xogo na faceta defensiva e no xogo colectivo ofensivo como amosou nos partidos nos que exerceu de local, ante OAR e Seis do Nadal, e por outra banda o conxunto ao que lle falta intensidade na defensa e dinamismo no ataque cando xoga lonxe da Zona Escolar.
O próximo capítulo escribirase no Pavillón carballés Vila de Noia o próximo sábado ás 18:30 horas ante o equipo pontevedrés do Cisne Bm.