O Goldie Xiria foi quen de darlle a volta ao partido, e vencer ao Lavadores
Goldie Xiria 21 – NZ Australis lavadores 19 (10-12) Bo e igualado partido de balonmán o disputado entre estes dous equipos, ao igual que o fixeran na primeira volta en…

Goldie Xiria 21 – NZ Australis lavadores 19 (10-12)
Bo e igualado partido de balonmán o disputado entre estes dous equipos, ao igual que o fixeran na primeira volta en Vigo, e novamente o Goldie soubo xogar con presión e con maior acerto os derradeiros minutos para levarse a vitoria.
Tras uns primeiros minutos de igualdade, o Lavadores tomaba vantaxe no marcador, en ataque metía continuamente desdobramentos a línea do pivote fixando o centro da defensa, o que facía que o Xiria se amosase débil polos exteriores, en defensa arroupaban a súa porteira nun cerrado 6:0, obrigando as carballesas ao lanzamento exterior. Con dous goles ao descanso as viguesas deixaban patente a súa superioridade momentánea.
Saíron as locais coas ideas máis claras, máis centradas en defensa e con presión sobre a circulación do balón, o que as meteu no encontro, cun empate a 13 no minuto 35. En ataque o Goldie solucionaba ben, mellor circulación do balón e con lanzamento exterior, sobre todo da xuvenil Laura Carracedo, que destacou no seu mellor partido da tempada. Ao Lavadores custáballe repregar, o que aproveitou o Xiria para en determinadas fases do encontro saír veloz a contra e non entrar na lentitude do rival. Remate do encontro onde o Goldie Xiria, soupo xogar as súas bazas con mestría, demostrando que cada día pode dar máis na categoría.
Goldie Xiria 21 (10): Lucía Vilariño e Brenda Noya (porteiras) Juana Garrochena 2 , Elena Segade 1, Adriana Gómez, Jessica Posse 1, Laura Carracedo 10, Alba Rodríguez , Marta Regueira 2, Leticia Casal 1, Tamara Pombo, Zeltia Landeira e Raquel Gómez 4.
NZ Australis Lavadores 19 (12): Ana Vázquez e Paula (porteiras) , Sheila 2, Montserrat 1, Jennifer 3,Nerea 2, Lucía 1, Yolanda 4, Estefanía 5, Andrea 1, María, Nuria e Eva.
Marcador cada 5 min.: /2-2/ /3-5/ /6-6/ /7-10/ /8-11/ /10-12/ /13-13/ /15-15/ /18-17/ /20-18/ /20-19/ /21-19/
Arbitraron: Pablo Barreiro e Rogelio Rojas, excluiron a Leticia Casal (2) Alba Rodríguez e Raquel Gómez polo Goldie Xiria e a Sheila, Montserrat (2) e Eva polo Lavadores.