Pechouse a competición na Liga Prata cadete cunha xornada de moitas emocións para a base do Balonmán Xiria. O Montaxes Carballo Xiria Branco logrou unha vitoria de prestixio en Porriño que lle serve para confirmar o liderado e proclamarse campión de liga. Pola súa banda, o Montaxes Carballo Xiria Verde non puido sumar os dous puntos na casa ante o Luceros, rematando a tempada nunha meritoria cuarta posición.
O Montaxes Carballo Xiria Branco non falla e conquista o campionato (24-28)
O Montaxes Carballo Xiria Branco chegaba á última xornada coa obriga de sumar puntos na pista do segundo clasificado, o Balonmano Porriño, para asegurar o primeiro posto. O partido foi unha auténtica final, marcada pola igualdade e a intensidade defensiva.
Na primeira metade, o intercambio de golpes foi constante, cunha lixeira vantaxe para os carballeses ao descanso (12-13). Tras o paso polos vestiarios, o Montaxes Carballo Xiria Branco soubo xestionar mellor os momentos de tensión. Destacou de xeito sobresaliente a actuación de Sergio Pérez Fernández, autor de 12 goles, que foi un pesadelo constante para a defensa local. Co apoio de Hector Castro (5 goles) e unha sólida estrutura colectiva, o Xiria logrou abrir unha fenda no marcador nos minutos finais para selar o 24-28 definitivo que lles outorga o título.
Loita sen premio para o Montaxes Carballo Xiria Verde (31-34)
No Vila de Noia, o cadete Verde medíase ao Pizzeria Baratto Luceros nun duelo directo polas posicións de honra da táboa. Foi un partido de alta anotación e moito ritmo, onde os ataques se impuxeron ás defensas.
O equipo local mantivo o pulso durante os 60 minutos, liderado polo acerto de Desale López (8 goles) e Quintín Insua (7 goles). Porén, o Luceros mostrouse moi coral no seu xogo, con varios xogadores achegando cifras importantes no marcador. Malia que o Xiria Verde chegou a competir ata o último suspiro, os pequenos detalles e o acerto visitante nos momentos decisivos decantaron a balanza cara ao lado de Cangas. Con este resultado (31-34), o equipo carballés pecha a segunda fase nunha cuarta praza que reflicte o bo traballo realizado durante todo o curso.
Con este primeiro posto o Montaxes Carballo Xiria Branco clasífícase para xogar a eliminatoria previa a Final 4 contra o 6º clasificado da Liga Ouro; sendo o seu rival o Reconquista de Vigo a semana do 11/12 de Abril.
