SEIS DO NADAL 22 – GARAYSA XIRIA 18
Seis do Nadal (9+13) 22: Clara, Sandra (4), Carolina (6), Olga (1), Silvia (3), Lorena (2) e Noelia (3) -sete inicial- Alba (1), Marta, Andrea e Mª José. Garaysa Xiria…
Seis do Nadal (9+13) 22: Clara, Sandra (4), Carolina (6), Olga (1), Silvia (3), Lorena (2) e Noelia (3) -sete inicial- Alba (1), Marta, Andrea e Mª José.
Garaysa Xiria (8+10) 18: Raquel, Cristina C. (2), Jessica (1), Iria (9), Maria (2), Sheila (1) e Mariana -siete inicial- Esmeralda, Cristina G. (1) e Berta (2).
Bo partido do Garaysa Xiria, que pese a ausencia de Juana soubo tomar a responsabilidade e sacar adiante un importante partido fronte ao Chapela, un dos equipos, en principio, fortes da categoría. A primeira metade foi moi igualada. As locais tomaron a dianteira nos primeiros dez minutos, cunha vantaxe de 5 goles, o que obrigou a Edu Orgaz a pedir un tempo morto e correxir aspectos tácticos, tanto en defensa como en ataque. A partir dese momento, o partido igualouse e chegouse ao descanso cunha mínima vantaxe para as locais (11-10).
O choque mantivo a igualdade durante a maior parte do segundo acto ata que, a falta de oito minutos e con ventaxa para o Garaysa Xiria dun gol, Raquel paraba un penalti decisivo e no seguinte ataque as carballesas eran capaces de marcar para afundir ao Chapela. Outra das claves do partido foi a extraordinaria actuación de María, quen tomou toda a responsabilidade ofensiva e marcou un magnífico rexistro de 12 goles. En resumo, o Garaysa Xiria demostrou aptitudes para gañar e psicoloxía gañadora, algo vital para o logro de obxectivos do deportista.
A nota negativa do encontro púxoa o árbitro, que expulsou ao adestrador do Garaysa Xiria no minuto 35. Foi, por certo, o mesmo colexiado que arbitrou o partido contra a SAR, o mesmo que expulsara a Edu Orgaz o ano pasado no mesmo encontro e o mesmo que expulsou a Marcos Rodríguez no partido do Calvo Xiria fronte ao Lalín.