Un Calvo Xiria de dúas caras cede ante o Valinox Novás na segunda metade
Nun encontro importante para a clasificación no Campionato Estatal de Primeira División Masculina, Calvo Xiria recibiu a Valinox Novás no Pavillon Vila De Noia. O Calvo Xiria buscaba achegarse á…

Nun encontro importante para a clasificación no Campionato Estatal de Primeira División Masculina, Calvo Xiria recibiu a Valinox Novás no Pavillon Vila De Noia. O Calvo Xiria buscaba achegarse á zona alta; mentres Valinox Novás quería seguir como líder. O partido comezou cun ritmo frenético, onde ambos equipos intercambiaron goles desde os primeiros minutos. Diego Gago abriu o marcador para Calvo Xiria aos 35 segundos, pero Bruno Vazquez; respondeu rapidamente para Valinox Novás, presaxio da tarde goleadora que tería o lateral dereito visitante.
Ao longo da primeira metade, evidenciouse unha batalla constante entre as defensas e ataques; o Calvo Xiria lograba atopar boas posicións de lanzamento grazas ao traballo incansable dos seus pivotes na liña de 6 metros. A medida que avanzaba o primeiro tempo, tanto Calvo Xiria como Valinox Novás foron alternando vantaxes no marcador. As accións tácticas foron claves; mentres que os visitantes optaban por lanzar desde posicións exteriores con efectividade, os locais aproveitaron as xogadas rápidas e penetracións preto da área rival. O resultado ao final do primeiro tempo foi un empate 17-17, reflectindo a paridade entre ambos equipos.
A segunda metade comezou cun cambio notable na dinámica do xogo. Valinox Novas saíu decidido a tomar control do partido e iso traduciuse rapidamente en goles consecutivos de Bruno Vazquez. Con tres tantos case consecutivos (dous en menos de dous minutos), estableceron unha vantaxe inicial; que desesperou ao Calvo Xiria. A precipación apoderouse do cadro bergatiñan, o que aproveitou Novás para afastarse ata os 5 goles. A defensa local, xa non era a da primeira metade; e en ataque posicional, non podía implementar o seu habitual xogo dinámico en parte por un criterio do pasivo aplicado de diferente forma nas dúas areas; xa que a fase de construción do ataque; clave no xogo do Calvo Xiria, non se chegaba a realizar.
A pesar dalgúns intentos por parte do Calvo Xiria por recuperar terreo con actuacións destacadas como as achegas ofensivas de Julian Garcia foi difícil conter a arremetida continua do equipo visitante. En particular, Iago Flores tivo momentos brillantes na segunda metade, anotando desde posicións críticas que axudaron a ampliar aínda máis a diferenza ata alcanzar un 31-37 final.
Este resultado coloca a Valinox Novás firmemente na cima do seu grupo mentres que deixa o Calvo Xiria loitando por mellorar a súa posición antes do próximo compromiso. A actuación demostrada por Novás foi decisiva para asegurar este triunfo significativo.
Calvo Xiria 31 – Valinox Novás 37
Calvo Xiria (17+14): Antonio Mato (p), Darío Calviño (p), Esteban Puñal, Gabriel Castiñeiras (4), David García (10), Pablo Veiga (1), Julián García (3), Chimpo Rodríguez (6), Samuel Veiga, Julián López, Jorge Bouzas (2), Mario García de Seárez (2), Marcos Suárez, Carlos Varela (2), Diego Gago (1), Senén Garea.
Valinox Novás (17+20): Bruno Vázquez (10), Yago Santome, Iago Flores (3), Xurxo Rivas (3), Pedro Teles (5), Nicolás López (4), José Leiras (3), Martín Dávila (1), Rubén Fernández, Rubén López, Diego Prada (6), Héctor Gil, Pablo Miana, Nicolás Portela, Yasir Martínez (2).
Árbitros: Jonathan Hinojosa e Gabriel Folgoso.
Marcador cada 5 minutos: 1-2, 3-5, 9-10, 13-14, 16-16. 17-17, (descanso), 17-20, 19-23, 23-29, 25-32, 28-35, 31-37 (final).
Incidencias: Partido correspondente a 5ª xornada do Grupo A da Primeira Nacional, disputado no pavillón Vila de Noia (Carballo).


