Ir ao contido
BalonmánXiriaFaite socio

Vitoria para Calvo Xiria

Moi pouca historia deixou o partido que enfrontou ao Calvo Xiria co Artai Poio na tarde do sábado. Dous puntos para os carballeses que puideron, e souberon, dosificar forzas pensado…

Moi pouca historia deixou o partido que enfrontou ao Calvo Xiria co Artai Poio na tarde do sábado. Dous puntos para os carballeses que puideron, e souberon, dosificar forzas pensado no partido da vindeira xornada ante o Acanor Atl Novás no Vila de Noia. Logo de cinco minutos iniciais un pouco descontrolados, o Xiria traballou en defensa para poder ter algúns contraataques seguidos e deste xeito romper o partido, tanto no marcador coma nas sensacións no terreo de xogo. Logo do paso polos vestiarios, a intensidade carballesa baixou considerablemente, evitando en todo momento calquera contratempo de cara ao vital encontro do próximo sábado.
O máis salientable do encontro foi o debut de Gabriel Castiñeiras Trigo, Carballo: 21/02/1998, xuvenil de segundo ano, que disputou 45 minutos, nos que provocou un sete metros e acadou un gol, sumando para o colectivo tanto en defensa coma en ataque.

Incidencias: Partido disputado no Pavillón da Seca con 350 seareiros nas bancadas, entre os que se deixou sentir un nutrido grupo de seareiros carballeses. Colexiados: David Aja García e Alberto Ramos Mardones do colexio cántabro, sen complicacións. Castigaron con exclusión polo Calvo Xiria foron a Manuel Méndez (28´), Sergio Facal (42´, 52´) e Uxío Batán (44´). 7 metros: ED Poio Artai –//–, Calvo Xiria 1//1. Marcador cada 5 minutos: 3-4, 4-7, 4-9, 5-11, 5-12, 6-15, descanso, 9-19, 12-21, 16-26, 17-29, 20-30, 22-34.

ED POIO ARTAI 22 (6+16): Iago Garrido [p], Daniel Benjumea [p], Juan Marsillas (2), Crisitan Gatu (1), Pedro Tabuyo (2), Antonio Barco (4), Fernando Mosquera (2), Gabriel Cores (1), Matías Maquieira (6), José Núñez (1), Javier Ruibal (3).
CALVO XIRIA 34 (15+19): Martín Gómez [p], Iago Gómez [p], Alejandro Naya, [p], Alejandro Calvete (6), Brais Puñal (2), Manuel Méndez (3), Sergio Facal (4), Uxío Batán (4), Martín Alfeirán (2), Gonzalo Pombo (1), Ramón Suárez –Pumariega, Jorge Bouzas (6), Javier Rodríguez (5), Gabriel Castiñeiras (1).