Ir ao contido
BalonmánXiriaFaite socio

Derrota do Goldie Xiria diante do Coreti Lalín

Coreti Lalín 26 -Goldie Xiria 17 (15-9) O Coreti Lalín dominou un encontro no que as xogadoras do Goldie non se atoparon a gusto e víronse desbordadas polo maior empuxe…

Coreti Lalín 26 -Goldie Xiria 17 (15-9)

O Coreti Lalín dominou un encontro no que as xogadoras do Goldie non se atoparon a gusto e víronse desbordadas polo maior empuxe do rival.

Saíu con gañas o Goldie ao partido, con boa circulación do balón e disuadindo os ataques do contrario, pero pouco durou, o empuxe rival e as intervencións da porteira contraria, daban as primeiras vantaxes ao Lalín. Errou dous lanzamentos de 7 metros seguidos o que minou máis a moral ao equipo, e chegábase ao descanso coa máxima diferenza 15 a 9.

Arriscou a defensa o Goldie na segunda metade, facendo presión sobre a lanzadora Pedreira, conseguindo roubar varios balóns que non soubo o equipo transformar en gol, o que minaba as posibilidades do Xiria de achegarse no marcador, tan so un 19 a 15 a mediados da segunda metade parecía que devolvía ao Goldie a loita polo partido, pero os erros en ataque volvían nulas as aspiracións carballesas, que cedían con ese excesivo 26 a 17.

Dura derrota para un equipo que a vindeira semana recibe en Carballo ao Campus Auria de Ourense, non poderá fallar o Goldie

Coreti Lalín: Fernandez (porteira), Reza, Silva, Belén, Suárez 2, Ferradás 2, González, Martínez, Sijas 2, Pedreira 13, Varela e Nercellas 7

Goldie Xiria: Brenda Noya (porteira) Juana Garrochena ,Elena Segade 1, Adriana Gómez , Jessica Posse 4, Laura Carracedo 4, Sheila Ferreiro 1, Alba Rodríguez 2, Natalia Solís, Zeltia Landeira, 2, Marta Regueira 3e Tamara Fraga.

Arbitraron: Julio López e Alfonso Canitrot, excluiron a Marta, Laura e Zeltia polo Xiria.