ÁNGEL XIMÉNEZ PUENTE GENIL 28 – CALVO XIRIA 25
FASE DE ASCENSO A DIVISIÓN DE HONRA PRATA – XORNADA 1 29/04/2011 ÁNGEL XIMÉNEZ PUENTE GENIL 28 – CALVO XIRIA 25 Ángel Ximénez Ouente Genil 28 (13+15): Chirosa [p], Olea…
FASE DE ASCENSO A DIVISIÓN DE HONRA PRATA – XORNADA 1
29/04/2011 ÁNGEL XIMÉNEZ PUENTE GENIL 28 – CALVO XIRIA 25
Ángel Ximénez Ouente Genil 28 (13+15): Chirosa [p], Olea (4), Gómez (1), Ríos (1), Morales (4), Ollero (1), Cuenca, (2), Mendoza, Pozo (3), Godoy (3), Pérez de León, García (3), López (6), Espino, [p].
Calvo Xiria 25 (12+13): Iago [p], Álex Zas (3), Jesús (2), Manu (1), Ramón (2), Christophe, Cuco, Borja (1), Ángel, Pablo (8), Dubra (2), Álex García (2), David (4), Kike [p]. Non xogaron Naya [p] e Fer.
Colexiados: Fernández Martinéz e García Jiménez da Federación Territorial da Comunidade Valenciana. Sancionaron con 6 exclusións ao Puente Genil e con 3 ao Xiria.
Marcador: 2 – 3, 4 – 6, 5 – 8, 8 – 10, 13 – 11, 13 – 12 (descanso); 16 – 14, 18 – 17, 20 – 18, 24 – 21, 26 – 23, 28 – 25 (final).
Derrota do Calvo Xiria, na primeira das tres xornada no Grupo II con sede en Segovoa da fase de Ascenso a División de Honra Prata, ante un dos grande favoritos ao ascenso.
Excelente inicio de partido dos rapaces de Marcos Rodríguez que, utilizando as súas habituais armas que tan bo resultado lle deron durante a liga regular e que fixeron posible estar presentes nesta fase, tutearon a todo un equipazo e mandaron no electrónico durante os primeiros 20 minutos do encontro, desperdiciando incluso varias ocasións para abrir brecha no electrónico. Nos derradeiro minutos deste primeiro acto, os cordobeses conseguían poñerse por diante e retirarse ao tempo de lecer con un tanto de diferenza ao seu favor.
A segunda metade foi un toma e daca constante por parte de ambos conxuntos, co Puente Genil sempre por diante no electónica con rendas de 2 e 3 goles, tentando manter a diferenza, e cos de Carballo ao rebufo tentando igualar e volver a tomar a dianteira, pero a veteranía e experiencia unidas á gran calidade que desprende todo o plantel ponteño fixeron imposible obter un resultado positivo para os rapaces do Xiria. En resumo, bo encontro dos de Carballo que tutearon e meteron o medo no corpo ao gran favorito para acadar a primeira praza do grupo.
Máis de sesenta Xiriareiros se deixaron sentir nas gradas do Pavillón Pedro Delgado dando colorido ás bancadas sen deixar de animar e apoiar en ningún momento aos seus.
No outro encontro da xornada Nava e Sarriá empataron a 35.