Ir ao contido
BalonmánXiriaFaite socio

ASESORÍA SUEIRO XIRIA 43 – CB LAGARES PONTEDEUME 20

Asesoría Sueiro Xiria (12+12) 24: Guillín, Joaquín (4), Manuel (4), Puente (3), Juan (4), Óscar (2) e Javier (4) – equipo inicial – Iago (p.s.), Díaz, Eloy (7), Ramón (3),…

Asesoría Sueiro Xiria (12+12) 24: Guillín, Joaquín (4), Manuel (4), Puente (3), Juan (4), Óscar (2) e Javier (4) – equipo inicial – Iago (p.s.), Díaz, Eloy (7), Ramón (3), Norberto (5), Iván (3) e Ricardo (4).

CB Lagares Pontedeume (14+6) 20: Héctor, Bruno (2), Daniel (1), Unai (7), Enrique (4), “Chapu” (2), e Santiago (1) – equipo inicial – Óscar, José Antonio (1) e David (2).
Árbitro: José Carlos Fernández. Ben.
Incidencias: Encontro correspondente á 8ª Xornada do Campionato Territorial Norte Xuvenil Masculino disputado no Pavillón da Zona Escolar en Carballo ás 11:30. Preto dun centenar de espectadores nas bancadas.

O Asesoría Sueiro Xiria quería mellorar ante o seu público a imaxe dada a fin de semana anterior ante o Caixanova Oar onde acadaron un empate nun partido moi irregular. O rival, un Lagares Pontedeume en racha tras vencer de forma sorprendente ao Camariñas (22-20).

O comezo non foi moi esperanzador, co marcador sempre igualado, pero no minuto 15 cunha renda de 5 goles (11-6), os locais parecían facerse donos do partido. Nada máis lonxe da realidade, de aí ata o descanso os visitantes foron recortando a vantaxe, que finalmente se quedou no 17-14 que reflexaba o marcador no descanso.

Na segunda metade cambiou radicalmente o partido, e en apenas 7 minutos os locais xa gañaban por 10 (25-15), diferenza que iría progresivamente en aumento en parte polo acerto no lanzamento e en parte pola boa defensa (só encaixaron 6 goles neste período).

A vindeira semana dispútase o derbi, o Xiria visita Camariñas para medirse á Escola Municipal de Camariñas, un difícil rival que xa o foi no partido da primeira volta disputado en Carballo, onde o Xiria venceu por 31-25.