O pasado domingo 24/02 o Punta del Este Xiria recibía en casa ao Balonmán Cangas. O encontro tivo lugar no pavillón Fogar, ás 10:30. Encontro que se presentaba difícil para as locais, xa que o Cangas está nas posicións máis altas da táboa, aínda así as carballesas non pretendían poñerlle as cousas fáciles ás do Cangas.
Arrincaba a primeira parte e o Punta del Este Xiria comezaba defendendo cunha boa defensa, chegando ben ás axudas, pechando ben entre dúas e realizando un bo traballo no avanzado o que provocaba que as do Cangas relantizasen o seu xogo. As do Cangas pola contra, vendo que as do Xiria estaban a realizar unha boa defensa sobre 7 metros e ao non ver ocos entre 6 para lanzar, decidían probar sorte con lanzamentos exteriores que terminaban en goles. As carballesas ao ver que as do Cangas comezaban a separarse no marcador con goles exteriores, comezaron a disuadir, desta forma conseguían roubar algún balón. No ataque as do Xiria, atopábanse con unha defensa 5:1, cunha defensa consolidada en 6 metros polo que as do Xiria non atopaban espazos libres para penetrar, a isto haille que sumar o pouco movemento de balón. Unha vez visto a defensa ás que se enfrontaban, as do Punta del Este Xiria empezaron a mover o balón e a atacar en carreira deixando libres os exteriores con opcións de gol, aínda así as carballesas parecían non estar moi acertadas en portería. Chegou o descanso cun resultado 6-12.
Arrincaba a segunda parte, o Punta del Este con posesión do balón, víase que as carballesas seguirían na mesma liña que na primeira parte, cunha defensa intensa e un ataque máis dinámico. As do Xiria estaban moito máis acertadas en portería, realizando unhas boas fixacións. Isto provocou que as do Cangas tivesen que subir a intensidade en ataque, causandolle descoidos ás locais en defensa. Chegando o final do partido cun marcador 15-20.
PUNTA DEL ESTE XIRIA: Lucía Lema[p], Stefania Landri, Leticia Santos, Natalia Cancela (1), María Patiño (1), Lara Souto (4), Dunna Barca (2), Catalina Magalhaes (4), Lara Hernández (3), Candela Couto.
BALONMÁN CANGAS: Claudia Rios (1), Andrea Acuña, Nayara Pereira, Silvia Dominguez (1), Carla Vidal (5), Laura Martinez (1), Joana Dacosta (2), Noa Inglesias (4), Irene Romero (1), Yaiza Gil (2), Judith Barreiro (3).
O vindeiro domingo 03/03, as do Punta del Este Xiria viaxarán a Vigo para enfrontarse ao A.D. Carballal. O encontro será no Pavillón Ou Loureiro, ás 11:15 da mañá. O partido preséntase difícil para as carballesas xa que o Carballal actualmente sitúase de primeiro na táboa, isto implica un maior esforzo para as carballesas xa que pretenden loitar o partido e tentar facelo o mellor posible, seguindo o seu estilo de xogo.