LIGA DE 1ª DIVISIÓN ESTATAL – XORNADA 9
19/11/2011 CALVO XIRIA 27 – BALONMANO PORRIÑO 33
Calvo Xiria 27 (11+16): Iago[p], Cuco, Alex García, David (2), Miguel (1), Jesús (2), Manuel (5) -equipo inicial- Kike[p], Pablo (11, 3 de 7 metros), Ramón, Sergio, Dubra, Ángel, Alex Zas (6).
Bm Porriño 33 (13+20): Antón [p], Martín (8, 4 de 7 metros), Moncho (5), Carrera (5), Adri (1), Isma (5, 3 de 7 metros), Aitor (6, 1 de 7 metros) -equipo inicial- Anxo [p], Esteban (1), Diego, Celso (1), Alves (1), Alberto, Sebas.
Colexiados: Alonso Herrero e Rodríguez Sánchez do colexio madrileño. Excluíron aos locais Ángel (38´), Alex García (51´), Ramón (51´) e David (58´) e tamén aos xogadores visitantes Martín (14´), Carrera (46´) e Isma (52´).
Marcador: 2-2, 4-4, 5-8, 6-9, 8-12, 11-13(descanso); 13-15, 15-18, 18-22, 21-26, 24-29, 27-33 (final).
7 metros: Calvo Xiria: 3 / 3 ### Bm Porriño: 8 / 9
Segunda derrota no Vila de Noia do Calvo Xiria no partido que o enfrontou ao Bm Porriño na novena xornada na liga de 1ª estatal masculina. No descanso o marcador indicaba un 11 – 13 favorable aos visitantes.
Partido dominado dende o minuto dez polo equipo porriñés que impuxo a súa forma de xogo. Foi quen de darlle ao partido o ritmo que máis lle interesaba, facendo ataques longuísimos, apurando en moitos casos ate que os colexiados indicaban aviso de pasivo (non chegaron a sinalar ningún na área carballesa) para finalmente acadar posicións de lanzamento cómodas. Non foi o día da defensa carballesa, pero tampouco do seu ataque que viu coma unha e outra vez as intervencións de Antón na portería porriñesa impedían subir tantos ao marcador en lanzamentos dende a liña de 6 metros.
As presas nos derradeiros quince minutos remataron con exclusións para o Calvo Xiria e cun Porriño que pouco a pouco foi conseguindo que medrase a diferenza no marcador para rematar levándose os dous puntos en xogo.
Na vindeira xornada o Calvo Xiria despázase a Redondela para medirse á S.A.R. Plastic Omnium. O encontro disputarase o sábado ás 18.30 h na “Bombonera”.