XORNADA 24
21/03/2009 CALVO XIRIA 27 – BM. BUDA LALIN 27
Calvo Xiria 27 (12+15): Quique, Cuco (5), Angel (3), Jesús, Pablo (9), David (4), Dubra -equipo inicial- Iago, Alex, Chimpo (1), Borja (3), Bruno (2), Manuel e Gonzalo.

Bm. Buda Lalín 27 (9+18): Durán, Pincho (4), Xosé (8), Roberto (7), Jorge (5), Gustavo (2), Miguel – equipo inicial- Adrián, Martín (1), Bruno, Iago, Diego, Jesús e Marco.

Colexiados: Srs. Gómez e De Vicente.

Parciais: 2-2, 4-4, 6-5, 7-6, 9-8, 12-9, 16-13, 17-16, 18-20, 19-22, 24-24, 27-27

Partido correspondente á 24ª xornada de liga na 1ª Estatal que enfrontou ao Calvo Xiria co Bm. Lalín e que supuxo o quinto empate da tempada para o equipo carballés, mentres o Grupo Covadonga, equipo inmerso na loita co Calvo por non ocupar a derradeira praza da liga e con ela o descenso, conseguía gañar na pista do Cisne. Deste xeito os dous equipos están empatados a puntos, cos carballeses por diante por mor da diferenza de goles, a falta de dúas xornadas para o remate da liga regular.

O partido tivo dúas partes ben diferenciadas. Nos primeiros trinta minutos a defensa do Calvo foi superior ao seu rival. Moita mobilidade por parte dos xogadores carballeses en defensa permitía que as axudas chegaran de xeito continuo e convertíase en moi difícil superar a Quique baixo os paos. Só a falta de tino nos lanzamentos de seis metros impediu que a vantaxe no marcador ao descanso fose moito maior.

Pero perdoar tantas accións sinxelas de lanzamento tivo moita importancia durante os segundos trinta minutos, o xogo de ataque do Bm. Lalín foi mellorando e pouco a pouco fíxose co mando do partido. So as accións finais dos xogadores do Calvo permitiron que polo menos un dos puntos en xogo quedase na casa.