O Calvo Xiria impúxose na tarde do Sábado ó Anchoas Leonardo Coopemovil cántabro por 28-15 en encontro pertencente á 23ª Xornada da 1ª División Estatal de Balonmán.
Cómodo trunfo do Calvo Xiria nun encontro sen historia dominado de principio a fin polos pupilos de Juan Fernández que saíron moi centrados no encontro, tanto en defensa coma en ataque, e xa nos primeiros minutos conseguiron abrir brecha no marcador chegándose ó descanso cun significativo 15-6 a prol dos carballeses.
A segunda metade transcurriu polos mesmos derroteiros e os de Carballo continuaron dominando o encontro sen ningún tipo de problemas. Como dato significativo salientar as probaturas no xogo que realizou o técnico carballés e o bo partido realizado polos xogadores menos habituais e polos xuvenís Álex e Dubra que disfrutaron da maioría de minutos.
Aliñacións
– Polo Calvo Xiria: Víctor, Mario (5), Marcos (2), David Silván (1), Alberto (3), Sergio (2), Gvazava (5) -equipo inicial- Villa , Dubra (3), Ofi, Álex, Javi Zas (1), Alfonso (1) e Martín (5).
– Polo Anchoas Leonardo Coopemóvil: Gonzalo, Saravia (2), Mario, Nichols, Pico (4), Héctor, García (7) -equipo inicial- Santiago e Alberto.
Os colexiados castelán-leoneses Sres. Castañedo Martínez e Pérez Oca non tiveron ningún tipo de complicación e pasaron desapercibidos.
