Alberto Lema «Cuco» e Rubén Anes voltan á disciplina do Calvo Xiria e estarán xa a dispor de Marcos Rodríguez para o derbi desta fin de semana fronte ao Balonmán Artabro, se o técnico carballés así o estima.
O pivote ofensivo e central defensivo Alberto Lema «Cuco» regresa ao club tras tomarse, por distintos motivos, un ano sabático de balonmán.
Rubén Anes, extremo e defensor no avanzado, comezou a pretemporada co grupo pero, por razóns de incompatibilidade co horario laboral, non podía exercitarse con regularidade cos seus compañeiros.
