COMPOSTELA CUP
O pasado sábado tres equipos de base do Balonmán Xiria acudían á Compostela Cup que se celebraba en Santiago de Compostela. O equipo cadete feminino Punta del Este Xiria remataba…
O pasado sábado tres equipos de base do Balonmán Xiria acudían á Compostela Cup que se celebraba en Santiago de Compostela.
O equipo cadete feminino Punta del Este Xiria remataba na segunda posición logo de empatar a 14 goles coa SD Teucro e caer derrotado coa SAR de Redondela por 23-4.
Na categoría infantil maculina participaban os dous equipos que o club ten nesa categoría. O Procasa Xiria, formado por infantís de primeiro ano, perdeu os dous encontros que disputou fronte á SAR de Redondela e fronte ao Seis do Nadal vigués por rendas de 5 e 13 goles respectivamente. O outro equipo do Xiria, o Ifecgás Pereira Xiria facíase coa vitoria final no torneo tras derrotar á SD Teucro e Bm Oleiros por 14 e 19 goles de diferenza respectivamente e conseguir imporse ao Seis do Nadal na final por 36 a 23.