O BM.Porriño impúxose ao Grupo Lemaco Xiria en categoría cadete, nun encontro que os foraneos dominaron de principio a fin e onde os carballeses foron a remolque desde o inicio.
Os xogadores de Xiria entraron no partido moi fríos e en apenas cinco minutos sufrían un parcial de 1-4 que obrigaba ao técnico local a solicitar o seu primeiro tempo morto para reactivar aos xogadores. Non atopaban os de Carballo as súas mellores sensacións e non estaban a despregar o seu mellor xogo, demasiado estáticos nas súas accións, tanto de ataque como de defensa, pero a mellor noticia era que,aínda e todo, mantíñanse próximos no marcador. Un 18-20 no tempo de descanso, deixaba todo aberto cara á continuación.
No segundo acto, o Grupo Lemaco non foi capaz de mellorar as súas prestacións, sobre todo na retagarda e os de Porriño atopaban lanzamentos sinxelos que ampliaban a vantaxe ao seu favor de forma paulatina. O marcador final de 35-42, fai que os dous puntos viaxen lonxe de Carballo e que os visitantes se coloquen a un punto do seu rival na táboa de clasificación.
O próximo fin de semana, o Grupo Lemaco deberá de viaxar até Vigo e disputar contra o potente Octavio o partido da primeira xornada da segunda volta aprazado no seu día con motivo dun compromiso da selección autonómica xuvenil.
Grupo Lemaco Xiria: 36 (18+18). Antonio Mato, Carlos Vilanova (13), Fran Rey (1), Andrés Vila (1), Roi Alfeirán (1), Juanca Rodríguez (13), Daniel Esmorís (2)-Equipo Inicial-Manuel Souto, Samuel Castiñeiras, José Varela, Antón Traba (1), Ronaldo Durán (1), Andy Rey (2), Sergio Pombo, Manuel Sánchez.
BM.Porriño: 42 (20+22). Alex, Fermín (19), Martín (6), Sergio (6), Oscar (2), Rubén (1), Iñigo (7)-Equipo Inicial-Mario, Samuel, Angel (1), Vizcaya, Saul.
Parciais cada 5´: 1-4/3-6/7-8/9-12/14-16/18-20/Descanso/20-24/22-27/26-32/29-35/34-39/36-42/Final.
Árbitros: Andrés Tejo e Borja Bermúdez. Excluiron con dous minutos a Carlos Vilanova (3), Antón Traba, Andy Rey, Roi Alfeirán, Juanca Rodríguez e Sergio Pombo polos locais e a Sergio, Vizcaya e Iñigo polos visitantes.
Incidencias: Encontro da 22ª xornada de liga da División De Honra en categoría cadete, disputado no pavillón Vila De Noia ante a presenza de cincoenta seareiros de ambos conxuntos.
Fotos do partido:
Clasificación:
