Este luns, 27 de xullo, ás 12.30 h, nas instalacións do CEIP Fogar, terá lugar o acto de presentación oficial das Escolas de Verán das Escolas de Balonmán Xiria. No acto, onde se farán as fotos oficiais das Escolas, estarán presentes os 200 nenos e nenas que participan nas edicións deste verán, tanto os da «XVI Escola Deportiva de Verán» como os da «5ª Escola de Xogo e Iniciación Deportiva».
Participarán neste acto representantes das Escolas de Balonmán Xiria, Padroado Deportivo Municipal, Asociación Anti-Droga Vieiro, Concellaría de Servizos Sociais, Concellaría de Deportes, Concellaría de Educación e representantes de varias das entidades coloboradoras: Grupo Eter (Ifecgás Pereira e Africliber), Caixanova e Lista Granit.
