Ir ao contido
BalonmánXiriaFaite socio

Infantil masculino

Excelente vitoria a domicilio do Garaysa Xiria

Última xornada da primeira volta da división de honra infantil, onde o Garaysa Xiria viaxaba até Pontevedra para enfrontarse ao rochoso S.D Teucro, para conseguir dous puntos de suma importancia…

Última xornada da primeira volta da división de honra infantil, onde o Garaysa Xiria viaxaba até Pontevedra para enfrontarse ao rochoso S.D Teucro, para conseguir dous puntos de suma importancia de cara á clasificación con gran labor defensivo de todo o equipo.

Intercambio de golpes ao comezo do encontro, con bo acerto en ataque dos dous equipos, onde os locais baseaban o seu xogo é a súa fortaleza física a través do un contra un e os visitantes con moita mobilidade e tentando buscar espazos na forte defensa do Teucro. Mediada a primeira metade o Garaysa con bo criterio colectivo chegaba máis fresco e conseguía abrir unha pequena brecha no marcador de 3 goles que se ampliaría até o seis goles, grazas a que os xogadores que entraban desde o banco souberon manter o alto ritmo do partido. Ao descanso chegábase con 12 a 18.

Na continuación, o Teucro aproveitábase das 4 exclusións seguidas que sufrían os carballeses para recortar diferenzas e porse a un só gol ca súa defensa 5:1 sobre o lateral esquerdo Mario Cancela.
O Garaysa soubo manter a calma e xogar ben co tempo do partido, baseando a súa vitoria no labor defensivo e xerando espazos en ataque na zona central onde Diego Antelo con 11 goles perforaba a portaría rival; chegando ao 27 a 31 final.

Na seguinte xornada o Garaysa Xiria viaxa até Vigo, para enfrontarse ao A.D. Carballal, segundo clasificado.
Incidencias: Partido disputado non pavillón Multiusos da Xunqueira cun centenar de seareiros de ambos os conxuntos. Colexiado: Marcos Pérez Outeda do colexio galego. Castigou con exclusión polo S.D. Teucro a Chan García, namentres polo Garaysa Xiria foron sancionados Diego Antelo, Mario Cancela, Antonio Calvelo e Aaron Rodríguez. //7 metros: SD Teucro 2/2 Garaysa Xiria 1/2
Marcador cada 5 minutos: 4-4, 6-7, 8-11, 10-14, 12-18, descanso, 18-22, 22-25, 23-27, 24-30, 27-31.
Polo Garaysa Xiria xogaron; Pedro Pena [p], Darío Calviño [p], Aarón Rodríguez (1), Carlos Varela (1), Mario Cancela (6), Daniel Mallo (6), Fernando Mallo (1), Juan Pereira (1), Diego Antelo (11), Julián García (2), Antonio Calvelo (2), Pablo Esmoris.

Próximo partido

Máis sobre isto