Ir ao contido
BalonmánXiriaFaite socio

Laber Xiria: Vitoria e lider invicto

Prevíase un encontro igualado e emocionante entre os dous conxuntos invictos da categoría: o líder Teucro e o Laber Xiria, segundo clasificado a dous puntos. O partido foi igualado e emocionante,…

Prevíase un encontro igualado e emocionante entre os dous conxuntos invictos da categoría: o líder Teucro e o Laber Xiria, segundo clasificado a dous puntos. O partido foi igualado e emocionante, a tensión podíase cortar cun coitelo e a incerteza do resultado mantivo en albas a todos os seareiros presentes no Carballo Calero até o último suspiro. Non sucedeu o mesmo co xogo dos dous equipos, que atenazados pola importancia do envite non ofreceron a súa mellor cara. Os locais levaron a iniciativa no marcador a maior parte do encontro, pero eran moitas as perdas de balón e as precipitacións no ataque, o que non ofrecía ningunha seguridade de face ao resultado final. O Laber Xiria dominaba o electrónico durante a primeira parte, pero non era capaz de superar os dous goles de diferenza ao seu favor. Ambos os equipos mostrábanse excesivamente estáticos en ataque, irregulares nas accións e por parte dos verdinegros, a falta do contragolpe no día de hoxe, levábanos a uns algarismos curtos ao termo do primeiro tempo (11-9).

Tampouco mellorou a situación na continuación, máis ben todo o contrario e os carballeses fóronse diluíndo aos poucos até ceder a vantaxe en favor dos visitantes superado o meridiano (15-16 minuto 20). Pero a reacción non se fixo esperar e cun 5-2 de parcial no últimos dez minutos, o conxunto de Xiria facíase con dous puntos importantísimos que os coloca como único equipo invicto e líder do campionato.

A semana que vén, o Laber Xiria visitará a sempre complicada pista de Seis Do Nadal e é que seguramente estamos a falar da liga máis igualada dos últimos anos. Un duro rival sen dúbidas para o conxunto de Carballo que tentará manter a súa regularidade no que se refire aos resultados e mellorar no xogo para manterse no liderato da clasificación.

Laber Xiria: 20 (11+9). Antonio (p), Carlos Vilanova (1), Gabriel Castiñeiras (3), Juan Carlos Rodríguez (8), José Pereira (1), Borja Rodríguez, Iván Calvo (3) -Equipo Inicial- Manuel Souto (p), Francisco Rei, Alex Figueroa (1), Roi Alfeirán, Ronaldo Durán, Kevin Santos, Perico (3), Diego Morandeira, Daniel Esmorís.

SD. Teucro: 18 (9+9). Carlos, Sergio (4), Marcos (3), David (5), S.Lorenzo (1), Alex (2), Óscar (2) -Equipo Inicial- Pedro, Dani, Javi (1), Andrés, Araujo, Estévez, Eduardo, D. Fernández.

Marcador cada 5´: 3-2/5-4/6-4/8-6/10-8/11-9**-Descanso-13-12/15-14/15-14/15-16/18-17/20-18-Final.**

Colexiados: Cesar Carballo e Cesar Díaz. Excluíron con dous minutos a Gabriel Castiñeiras, Roi Alfeirán (2) e Kevin Santos por parte dos locais e a David por parte dos visitantes.

Incidencias: Encontro correspondente á sétima xornada de liga da División De Honra en categoría xuvenil, celebrado no pavillón Carballo Calero ante douscentos afeccionados de ambos os equipos.

Fotos do encontro:

teucro xiria 021

teucro xiria 027

teucro xiria 040

teucro xiria 028

teucro xiria 031

teucro xiria 041

Clasificación:

7ª JORNADA