O Calvo Xiria fixo un gran partido no derbi ante o OAR, a pesar de acabar perdendo pola mínima (30-31). Foi un partido que respondeu as expectativas, xogado de poder a poder entre dous equipos que este ano teñen obxectivos distintos pero para os que os puntos en xogo eran igual de vitais.

Foi un partido igualado desde o asubío inicial, un derbi; con dúbidas ao comezo pero que aos poucos os dous equipos subiron o nivel e a intensidade do xogo e o público puido gozar dun gran partido. Con variantes tácticas tanto ofensivas como defensivas na primeira parte, os dous equipos buscaban solucións permanentemente, ante o que propoñía o seu rival. Ao descanso chegábase con 15 a 16.

A tónica da segunda metade seguiu sendo a mesma; cun continuo intercambio de golpes, o marcador movíase con diferenzas dun gol para un ou outro equipo. A falta de 6 minutos o Calvo Xiria levaba vantaxe 28 a 27; recuperou un balón que lle podía situar a dous; pero o pase de contraataque pegou no colexiado e o Oar igualaba; non decidiu ben os seguintes ataques en posicional, e un rexeite defensivo colocou aos herculinos por diante. Eran momentos de máximo estrés para ambos; o Calvo Xiria tirou de épica e situou o marcador en 30 a 31 xogando dous minutos en inferioridade. Os últimos 20 segundos o Oar Coruña non perdeu o balón e o partido acabaría dese xeito.

Calvo Xiria 30 – Attica 21 Hotels Oar Coruña 31

Calvo Xiria (15+15): Darío Calviño (p), Antonio Mato (p), Aarón Rodríguez, Gabriel Castiñeiras (2), Pablo Veiga, Julián García, Chimpo Rodríguez (13), Diego Vega (1), Manu Méndez (4), Álex Gómez (1), Jorge Bouzas (3), Carlos Varela (2), Mario Cancela (4), Martín Fuentes.

Attica 21 Hotels Oar Coruña (16+15): José Pereira, Henrique Gabriel, Pablo Martínez (3), Juan Pereira (1), Iván Alfonso, Joel Rabade, Kevin Dacosta, Juan Carlos Rodríguez (3), Adrián Pérez, Miguel Ángel Simón (4), Diego Martínez (14), Santiago Gómez, Yoel García, Julián López, Francesco Aragona (6), Daniel Mcnamee.

Árbitros: Marcos Pérez e Alberto Fernández.

Marcador cada 5 minutos: 1-2, 5-5, 9-8, 11-11, 13-13, 15-16, (descanso), 18-18, 21-21, 25-24, 26-27, 28-27, 30-31 (final).

Incidencias: Partido correspondente a 20ª xornada do Grupo A da Primeira Nacional, disputado no pavillón Vila de Noia (Carballo).