O Calvo Xiria consegue unha importante vitoria ante o Club Balonmán Abegondo
O pasado sábado, o Calvo Xiria enfrontábase ao Club Balonmán Abegondo en Noroplaza, nun encontro no que ambos os conxuntos buscaban recuperar a senda dos puntos e seguir avanzando na…

Ao descanso 11 – 10sábado 14 de novembroPavillón Vila de Noia1ª autonómica · Liga regular · Grupo único · Xornada 4
O pasado sábado, o Calvo Xiria enfrontábase ao Club Balonmán Abegondo en Noroplaza, nun encontro no que ambos os conxuntos buscaban recuperar a senda dos puntos e seguir avanzando na consecución dos seus obxectivos.
O inicio do partido estivo marcado polo dominio das carballesas, que conseguiron amosarse máis sólidas en defensa ca o seu rival e transformar con eficacia as situacións de ataque en gol. Esta boa dinámica permitiulles acadar unha pequena vantaxe inicial que, mediada a primeira metade, lles daba certa marxe no marcador.
Porén, o conxunto carballés non conseguiu manter a regularidade nin o ritmo de xogo durante todo o período. Algunhas imprecisións e erros puntuais permitiron ao equipo de Abegondo reducir diferenzas e chegar ao descanso cun marcador máis axustado.
A segunda metade estivo marcada pola igualdade, cunha constante alternancia de accións e cos dous equipos mantendo sempre a proximidade no electrónico. O encontro chegou así a uns últimos minutos de máxima tensión, nos que unha última acción ofensiva culminada con gol polas carballesas e unha intervención decisiva da porteira na última xogada permitiron ao Calvo Xiria asegurar a vitoria.
Un partido moi disputado, que serve para seguir medrando e aprendendo, e no que as carballesas demostraron capacidade para manterse competitivas en todo momento, mesmo nos momentos de maior dificultade e a pesar dos erros cometidos.
A nota negativa do encontro foi a lesión da nosa xogadora Marina, á que lle desexamos unha pronta e satisfactoria recuperación.
O partido
- Ao descanso
- 11 – 10
- Exclusións
- 7
- Tempos mortos
- 6
- Hoxe na táboa
- 3º


