O encontro correspondente á xornada 27 da Primeira Nacional Masculina enfrontou no Pavillón Lalín Arena ao Disiclín Balonmán Lalín e ao Calvo Xiria, nun duelo que se mantivo equilibrado durante a primeira metade pero que terminou decantándose claramente ao lado visitante tras o paso por vestiarios (21-29).
O choque comezou con bo ritmo ofensivo e un Lalín intenso en defensa, logrando as primeiras vantaxes do partido. Os locais arrincaron máis acertados e chegaron a dominar nos compases iniciais, reflectido no 5-2 do minuto 10, aproveitando varias accións rápidas e unha defensa sólida.
Con todo, o Calvo Xiria foi crecendo co paso dos minutos. Axustou o seu ataque posicional e comezou a atopar mellores situacións de lanzamento, reducindo diferenzas progresivamente. O partido entrou entón nunha fase de intercambio constante de goles, con ambos equipos alternando momentos de dominio. A igualdade quedou plasmada ao descanso, ao que se chegou con empate (12-12), tras un espectacular gol de golpe franco directo de Julián García co tempo cumprido, deixando todo aberto para a segunda metade.
A continuación marcou o cambio definitivo do encontro. O Calvo Xiria elevou a intensidade defensiva e conseguiu correr ao contraataque, castigando as perdas locais. En apenas dez minutos, os visitantes lograron abrir unha brecha importante no marcador, pasando do empate ao 15-18 e posteriormente ao 18-21. O Lalín intentou frear a dinámica mediante tempos mortos e rotacións, pero a eficacia ofensiva visitante e varias intervencións decisivas baixo paus de Antonio Mato impediron a reacción. Co paso dos minutos, o Calvo Xiria controlou o ritmo do partido con maior solvencia. O seu ataque mantivo unha alta porcentaxe de acerto mentres a defensa dificultaba cada vez máis as accións do conxunto local.
No último tramo, os visitantes ampliaron definitivamente a vantaxe ata o 21-29 final, pechando o partido con autoridade e certificando unha vitoria baseada no seu gran segunda parte.
Disiclín Balonmán Lalín 21 – Calvo Xiria 29
Disiclín Balonmán Lalín (12+9): Juan Lago, Ramón Gil (3), Adrián Crespo (1), Martín Losón (1), Miguel García (2), Roi Sierra (4), Miguel López, Alejandro López, Javier Azurmendi (4), Pedro Toimil (1), Xoan Otero, Xoel Rodríguez, Mateo López, Adrián Losón (3), Víctor Hidalgo (2).
Calvo Xiria (12+17): Antonio Mato (p), Darío Calviño (p), Esteban Puñal (4), Gabriel Castiñeiras, David García (2), Chema Negreira (2), Pablo Veiga (3), Julián García (10), Samuel Veiga (1), Julián López (1), Daniel Periscal (2), Jorge Bouzas, Carlos Varela (1), Senen Garea (2).
Árbitros: César Díaz e Pablo Barreiro.
Marcador cada 5 minutos: 2-1, 5-2, 7-4, 10-7, 11-9, 12-12, (descanso), 13-15, 15-18, 17-21, 18-21, 20-27, 21-29 (final).
Incidencias: Partido correspondente a 27ª xornada do Grupo A da Primeira Nacional, disputado no Lalín Arena (Lalín).
