Ir ao contido
BalonmánXiriaFaite socio

Infantil masculino

O Garaysa Xiria aprende a sufrir e faise coa vitoria

Disputábase a novena xornada da división de honra infantil masculina, o Garaysa Xiria viaxaba até Vigo para enfrontarse ao Seis Do Nadal, un rival difícil, coas ideas claras, que sabe…

Disputábase a novena xornada da división de honra infantil masculina, o Garaysa Xiria viaxaba até Vigo para enfrontarse ao Seis Do Nadal, un rival difícil, coas ideas claras, que sabe ben ao que xoga.
Ao comezo do partido o Seis do Nadal mandaba no marcador e no ritmo de xogo; dividindo o seu ataque en dúas fases, a primeira lenta e a segunda rápida e intensa cun bo xogo de progresións sucesivas e aproveitando a envergadura do pivote; xeraba moito espazo na estática defensa carballesa. O Garaysa Xiria moi irregular que por veces parecía atoparse a se mesmo conseguía porse por diante no minuto 10; pero os locais moi loitadores durante todo o partido manterían a igualdade ao longo da primeira parte. Chegábase ao descanso 13 a 14 e se o Garaysa quería levar os puntos debería traballar moi duro na segunda parte.
Sentoulle ben aos carballeses o paso polos vestiarios, que corrixiron a súa defensa e fixeron do contraataque en primeira onda unha virtude que o Seis do Nadal non puido contrarrestar e conseguindo así a súa novena vitoria noutras tantas xornadas; pero con detalles que deberá adestrar se queren evolucionar no seu xogo.

Na seguinte xornada, o Garaysa Xiria recibe a visita dos Luceros, equipo de base do Cangas de Asobal.

Incidencias: Partido disputado no Pavillón municipal de Coia ante 150 seareiros de ambos conxuntos. Colexiado: Ángel Villar Corrales do colexio galego. Castigaron con exclusión polo Garaysa Xiria a Antonio Calvelo (8´) e Aaron Rodríguez (40´). 7 metros: Seis Do Nadal 2/4 // Garaysa Xiria 4/4.

Marcador cada 5 minutos: 3-2, 4-6, 7-8, 11-11, 13-14, descanso, 16-18, 18-23, 20-29, 23-33, 24-36.

SEIS DO NADAL 24 ( 13 + 11 ): Aseir Cerqueira, Jonathan Patiño, Antón Seijo, Juan González, Adrián González, Iago López, David Álvarez, Adrián Abril, Javier García, Pablo Fernández, Xosé Henrique Costas, Samuel Carrera.

GARAYSA XIRIA 36 ( 14 + 22 ): Pedro Pena [p], Darío Calviño [p], Áaron Rodríguez (2), Carlos Varela (1), Mario Cancela (4), Daniel Mallo (4), Fernando Mallo (3), Juan Pereira (7), Diego Antelo (2), Julián García (8), Antonio Calvelo (2), Pablo Esmoris (3).

Próximo partido

Máis sobre isto