Na décima xornada da segunda autonómica feminina; o Goldie Xiria recibía a visita do lastrado polas baixas; Bm Lucus. O Goldie que está a ter problemas para adestrar con normalidade nas últimas semanas; e ao que os resultados non lle estaban acompañando; chegaba con demasiadas dúbidas no seu xogo a este partido.
O forte ritmo imposto polas carballesas; na primeira parte; coa defensa intensa; corrixindo os pequenos erros con ganas e traballo defensivo; permitía continuos contraataques; en primeira e segunda ondas.
A boa organización na transición defensa-ataque; permitía levar o balón rapidamente aos espazos da defensa lucense, que se viu superada e goleada nestes primeiros 30 minutos. 18 a 5 ao descanso.
A segunda parte; brillou pola ausencia de intensidade local; totalmente relaxadas; permitindo demasiadas facilidades a un Bm Lucus que maquillou o resultado final. 30 a 20.
Dous puntos na marcadora do Goldie Xiria; que ben puido marcharse do partido con mellores sensacións. A seguinte semana; as de Carballo viaxan ata Camariñas, para enfrontarse no derbi provincial ao Encaixe Camariñas. O partido disputarase o sábado día 2 ás 16:30, no pavillón Ponche do Porto.