Ir ao contido
BalonmánXiriaFaite socio

O Grupo Lemaco Xiria venceu con contundencia ao OAR nun bo encontro

Os cadetes do Xiria afrontaban este derbi coa intención de sumar dous novos puntos e manter así a 3ª praza na táboa. A condición de local do OAR xogaba á…

Os cadetes do Xiria afrontaban este derbi coa intención de sumar dous novos puntos e manter así a 3ª praza na táboa. A condición de local do OAR xogaba á contra pero o Grupo Lemaco ía loitar por levarse os puntos para Carballo.

Os carballeses comezaron xogando ben pero errando nos lanzamentos, o que permitía manter ao OAR no encontro. Min 20. (7-8). Na recta final da primeira metade o Grupo Lemaco aproveitou varios roubos de balón para anotar goles rápidos á contra e irse ao descanso cunha vantaxe máis ampla.

Na segunda metade o Grupo Lemaco Xiria mantivo o bo nivel de xogo e afinou a puntería, cun Antón moi entoado e con Pedro finalizando moi ben as fixacións, o equipo puido rematar o derbi cunha ampla vitoria que deixa moi boas sensacións de cara ao importante partido do vindeiro fin de semana contra o Octavio de Vigo, que chega a Carballo coma 2º clasificado.

OAR Coruña – 18 (10+8): Diego (4), Raúl (1), Eduardo, Diego (1), Daniel McNamee (1), Alex, Jaime, Daniel Feal (2), Anxo (1), Antonio, Juan Carlos (5), Adrián (3), Alex, Javier e Santiago.

Grupo Lemaco Xiria – 33 (16+17): Jose, Pombo (2), Fran (1), Antón (12), Vila (5), Miguel (1), Manuel, Andy (3), Mario, Roi (2), Renzo (2), Urbieta (1), Pedro (4), Tasende e Samuel.

Marcador cada 5 min: 5′(0-2), 10′(3-5), 15′(5-6), 20′(7-8), 25′(8-12), 30′(10-16), 35′(12-17), 40′(14-22), 45′(14-25), 50′(15-28), 55′(17-31), 60′(18-33)

Galería do encontro:
oar xiria 011 oar xiria 020 oar xiria 023 oar xiria 025 oar xiria 027 oar xiria 030