O equipo infantil feminino, Punta del Este Xiria, xoga esta fin de semana en Redondela o seu play-off. O primeiro partido terá lugar hoxe, venres, ás 16:30 no Pavillón Municipal da Bombonera contra S.A.R. Shopimagen. O segundo e último encontro terá lugar mañán, sábado, ás 12:30 na mesma instalación contra o Veterís Asmubal Meaño.

Pola súa banda, o equipo cadete feminino, Hierros Varela Urbieta Xiria, terá que viaxar a Cangas a fin de semana para disputar os seus encontros do play-off no Pavillón Municipal O Gatañal. O primeiro será o sábado ás 12:30 contra Bm. Lavadores e o segundo será o domingo á mesma hora contra Bm. Cangas Tapería dos Chata.