O Punta Del Este Xiria, viaxaba a Lugo na mañá de hoxe para disputar a volta da semifinal de Copa en categoría infantil feminino. Despois da derrota sufrida a pasada semana en Carballo por 22-29 ante o rival de hoxe e na ida desta semifinal, as carballesas chegaban ao pavillón de Outeiro De Rei coa ambición de demostrar que o ocorrido facía sete días fora simplemente un mal día e así o certificaron cunha alta intensidade defensiva que servíu para que a vitoria viaxase cara a Carballo. O partido foi moi igualado e con alternativas no marcador para os dous equipos, pero as mozas de Xiria impuxeron a sua defensa e a velocidade ao contragolpe para conseguir superar ás lucenses. Xa, nos últimos instantes do primeiro tempo, rompían, grazas a eses factores, a igualdade no electrónico e conseguían chegar ao tempo de descanso cunha importante diferenza de tres goles (12-15). Na continuación e despois de coller osíxeno, as mozas do BM. Lucus saían cun ritmo alto e conseguían empatar o o encontro.Foron minutos nos que as locais dominaban e as bergantiñás ían a remolque, pero unha exclusión das rojillas sería perfectamente aproveitada polo Punta Del Este Xiria que conseguía poñerse por diante. A pesar dos nervios e dos erros dos últimos minutos, as mozas de Carballo conseguirían a vitoria final e corrixir a derrota da pasada semana en Carballo.
Punta Del Este: Elena Collazo (P), Ana Pombo, Nina Pereira, Valeria Figueroa, Nerea Varela, María García, Alba García, Anna María Hernández, Lara Otero, Lucía España, Paula Bouzas.
Fotos do encontro: