O Tubasys remata o ano con clara vitoria ante Meaño
O Tubasys infantil recibiu esta pasada fin de semana ó Meaño, rival directo na clasificación. O encontro impuxo dificultades iniciais ó equipo local debido a diferenzas antropométricas co conxunto rival,…

O Tubasys infantil recibiu esta pasada fin de semana ó Meaño, rival directo na clasificación. O encontro impuxo dificultades iniciais ó equipo local debido a diferenzas antropométricas co conxunto rival, non sendo capaces de impedir as tentativas de penetración da primeira liña pontevedresa.
A igualdade se mantivo durante os primeiros dez minutos, pero a actividade de pernas das locais compensou as carencias en potencia e lograron recuperar numerosas bolas cunha defensa 3:3 moi agresiva, transformando en sinxelos goles de contraataque de primeira e segunda oleadas, chegando ó interludio cun amplo (17-10) a favor do conxunto de Bergantiños.
Malia ós tempos mortos solicitados polo Meaño, a segunda metade tivo un carácter continuísta ata chegar ós compases finais nun encontro no que todas as xogadoras, incluíndo as incorporacións alevíns, amosaron cohesión tanto no traslado do esférico coma nas facetas defensivas.
Co impulso dos novos puntos, o Tubasys escala dous postos na clasificación e se mantén na metade da táboa empatado a puntos co Cisne e Meaño. Agora acougan ó vindeiro ano para medirse ante Arousa e comprobar as melloras que amosan durante os adestramentos.


