Ir ao contido
BalonmánXiriaFaite socio

Sénior masculino

Pecha a primeira volta invicto o Calvo Xiria

A vitoria acadada este sábado no Vila de Noia polo Calvo Xiria ante o Bm Lavadores pecha unha gran primeira volta do conxunto carballés que, a pesares de non facer…

A vitoria acadada este sábado no Vila de Noia polo Calvo Xiria ante o Bm Lavadores pecha unha gran primeira volta do conxunto carballés que, a pesares de non facer un bo partido, foi netamente superior ao seu rival no día de hoxe.

Nin equipo nin seareiros estiveron no partido, xogando a un ritmo lento e sen velocidade na circulación do balón. Aínda así, aproveitando os erros do seu rival, conseguiron os locais unha diferenza de +4 no momento de marchar aos vestiarios. Mais foron os vigueses os que retornaron con gañas de levarse os puntos, de tal forma que chegaron a empatar o partido a 19 cando ían disputados 10 minutos do segundo tempo. Foi nese intre cando o Calvo Xiria retomou os argumentos que lle permiten ser líder da categoría, defensa con anticipación, contraataque e unha boa selección de lanzamento no xogo posicional, conseguindo un parcial de 10- 2 que pechaba o partido.

A vindeira xornada vivirase o derbi provincial entre Calvo Xiria e
OAR, será de novo no Vila de Noia ás 18:00.

Incidencias: partido disputado no Pavillón Municipal Vila de Noia ante 300 seareiros. Colexiados: Marcos Pérez Outeda e Pablo Álvarez Vázquez do colexio galego. Castigaron con exclusión polo Calvo Xiria a Sergio Facal (37´) e o adestrador Marcos Rodríguez (23´), namentres polo Vilatrade Bm Lavadores foron sancionados Iván Calvo (11´, 58´), Daniel Miro (22´), Fabián González (25´, 36´), Bruno Estévez (31´). 7 metros: Calvo Xiria 3//4 Vilatrade Bm Lavadores 2//2. Marcador cada 5 minutos: 3-1, 6-3, 7-5, 11-6, 14-9, 15-11, descanso, 18-15, 19-19, 22-19, 29-21, 30-22, 33-25.

CALVO XIRIA 33 (15+18): Santiago Gómez [p], Antonio Mato [p], Carlos Vilanova (2), Gabriel Castiñeiras (1), Brais Puñal, Pablo Iglesias (5), Juan Carlos Rodríguez, Miguel Suárez-Pumariega (3), Uxío Batán, Manuel Méndez (3), Sergio Facal (4), Jorge Bouzas (1), Alejandro Calvete (1), Javier Rodríguez (2), Julián López (1), Hugo Rodríguez (10).

VILATRADE BM LAVADORES 25 (11+14): Daniel González [p], Alexandre Silva [p], Iván Calvo (1), Fernando Fernández, Adrián Suárez (5), Anxo Otero (1), Daniel Miro (4), Adrián Blanco (2), Bruno Estévez (4), Matías Maquieira, Xoel Martínez, Fabián González (8), Daniel Sierra.

Próximo partido

Sénior masculino20:3019:30 en CanariasCampeonato estatal de primeira división masculina · Liga regular · Grupo A · Xornada 10
"CIUDAD DE TACORONTE" WSCAN LECOMAR 13 MAYO
CALVO XIRIA

Máis sobre isto