Procasa Xiria: Ivan, David (5), Brais (2), Antón (6), Iago (2), Miguel (3), Jorge -equipoinicial- Bisbi, Martin, Heitor, Alejandro, Luis (2), Joaquín.

E.M. Camariñas: Martin (8), Caamaño (9), David (6), Alvaro, Manuel (2), Cristian, Bruno -equipo inicial- Iago, J. Campaña (4), Damian (2).
Colexiados: O colexiado Flores estivo mal para os dous equipos inda que non influiu no resultado final.

A Esc. Mpal de Camariñas, aspirante ao título ligueiro impúxose na pista carballesa da Zona Escolar ao Procasa Xiria en categoria infantil. Os carballeses, que tiñan a oportunidade de aspirar á segunda praza, non estiveron en ningún momento no partido coa intensidade que requiría este feito e agora xa non lles queda nada máis que conformarse co terceiro posto na liga regular.

A primeira metade foi onde se fraguou a vitoria dos visitantes que en ataque facían estragos na defensa rival. Ademais a defensa 3-3 plantexada polos de Camariñas atragantábaselle a un Procasa que estaba moi estático en ataque. Os camariñáns aproveitaron para irse ao descanso cunha vantaxe de 10-17 que ao final áa ser definitiva.

Na segunda metade o Procasa seguiu coa mesma tónica e o máis que conqueriu foi acercarse a catro goles pero sin inquedar aos visitantes, que eran moi superiores no xogo. A defensa dos carballeses nunca estivo a un bo nivel e isto propiciou un rotundo marcador final de 20-31 que, como dicíamos, deixa aos de Carballo na terceira posición da clasificación e con un partido moi complicado a vindeira semana na pista do Balonmanópolis