Regresa a Primeira Estatal, con duelo entre o Calvo Xiria e o Automanía Luceros

1ª Nacional masculina

No regreso á competición, o Calvo Xiria enfróntase ao Bm Luceros, filial do Bm Cangas. Un equipo novo, de gran proxección e que vai cuarto na clasificación xeral. Con todo isto, antóllase un prato forte para a afección de Carballo, que cubrirá as prazas dispoñibles do Vila de Noia, o sábado ás 20:00.

O Calvo Xiria, traballa desde hai dúas semanas, coa posta a punto do persoal, para afrontar o complicado inicio de ano e ao que lle quedan 3 xornadas para finalizar a primeira volta do campionato ligueiro. Coas aspiracións postas no máis alto da táboa; o Calvo Xiria deberá tratar de superar a defensa presionante dos visitantes; con continuos movementos ao impar e fortalecer a defensa co propósito de frear o lanzamento exterior da primeira liña e a combinación coa segunda liña.

Cabe destacar a presenza de Carlos Vilanova nas filas do Luceros, ex-Xiria. Xogador polo que apostou o Cangas no seu proxecto futuro. A afección, de seguro garda gran recordo do extremo do dereito.

1ª Autonómica Feminina:

O Goldie Xiria Carballo Turismo desprázase esta semana a Tui para desputar o segundo encontro consecutivo ante un dos equipos máis fortes da categoría, pero coa confianza de poder acadar un resultado positivo tralas boas sensacións obtivas en moitas facetas do xogo o pasado sábado.

Con toda a plantilla ó completo, as xogadoras adestraron con moitas gañas por volver a casa cos dous puntos, conscientes da fortaleza defensiva do BM Tui que lles permite correr en primeira oleada e das rápidas accións de cruce no ataque posicional con capacidade tanto de xogo coa pivote coma de lanzamento exterior.

O Goldie precisa estar moi concentrado nos sesenta minutos, co anhelo de manter as boas actuacións na portería nos últimos encontros e co obxectivo de mellorar o porcentaxe de acertó de cara a gol, nun encontro onde non hai nada que perder.

O partido será no Novo Pavillón de Tui o sábado ás 20:15 no que será o viaxe mais longo ata o momento.

Categorías base

O Hierros Varela Urbieta Xiria afronta a primeiro partido do 2021 no que será o debut na segunda fase do campionato onde o equipo quedou encadrado no grupo B da Liga Ouro xunto con Carballal, Línea 21, Cangas, Sar e Seis do Nadal.

Precisamente este último, Seis do Nadal, é o rival das nosas no encontro que se disputará este sábado ás 12:15, sen público, no CEIP Fogar. A principal novidade e a nota máís positiva da xornada é a recuperación de Alba, trala longa lesión de xeonllo, que está dispoñible para desputar os primeiros minutos; na outra cara da moeda se sitúan as baixas de Nina de Lucía España.

O grupo está adestrando moi ben, con varias xogadoras na dinámica do equipo senior e co obxectivo de sumar para non deixar de aprender e mellorar semana a semana.

Doutra banda; o Laber Xiria viaxa ata Pontevedra, o sábado ás 12:00 no pavillón municipal dos Deportes; na primeira xornada da liga Ouro. Enfrontarase ao Cisne, o rival máis forte do grupo; xa que á xa, de por si, produtiva canteira local, súmanselle xogadores de gran talento, froito do convenio co Colegio Los Sauces.

Por tanto, un bo reto para o Laber Xiria, que deberá reducir erros, manter un ritmo competitivo alto, ao longo dos 60 minutos nas súas aspiracións por pelexar un posto na futura final four. Primeiro gran partido do ano.