Sorteo dos sectores da Fase de Ascenso a 1ª Estatal

Realizado o sorteo para os 6 sectores da Fase de Ascenso a 1ª Estatal, que se disputarán do 2 ao 4 de maio, o Calvo Xiria quedou encadrado no «Sector B» que terá sede en Oviedo e onde se terá que enfrontar co 1º clasificado de Asturias e organizador do sector, Universidad de Oviedo, co 1º clasificado de Cantabria, CD Dela salle Grupo Pinta e co 1º clasificado de Extremadura, Fundación Pinilla Crespo Bm Caceres 2016.

O equipo carballés medírase o día 2 co CD Delasalle, o día 3 co Bm Caceres 2016 e o día 4 finalizará a súa participación enfrontándose ao anfitrión Universidad de Oviedo

Dos 24 equipos clasificados, repartidos en 6 sectores de 4 equipos cada un, os 6 campións de cada sector conseguirán o premio do ascenso de categoría.