Os tres equipos de División de Honra, Ifecgás Pereira Xiria xuvenil, Vipecón Xiria cadete e Garaysa Xiria infantil participaron, os días 5, 6 e 7 de marzo no “VIII Torneo Nacional San José  – León” disputado na localidade de León e organizado pola Fundación Ademar, Reale Ademar e Colegio Marista San José.

Na categoría xuvenil, o Ifecgás Pereira Xiria finalizou na 3ª posición. Na fase de grupos o Ifecgás Pereira vencía ao Amazsa Bm. Urdaneta por 15-37 e caía derrotado ante os anfitrións do Bm. Reale Ademar A por 43-13, rematando así na segunda posición do seu grupo. Na loita polo 3º e 4º posto os carballeses derrotaron ao Bm. Loyola San Antonio de Pámplona por 32-24. O campíon foi o Bm. Reale Ademar A que derrotou na final aos seus compañeiros de club do Bm. Reale Ademar B.

Na categoría cadete, o Vipecón Xiria rematou terceiro do seu grupo non podendo así entrar nos cruces de semifinais. Os carballeses caían derrotados nos dous primeiros encontros da fase de grupos ante o Bm. Grupo Astur, 24-19, e Reale Ademar A, 27-21, e vencían no derradeiro ao Bm. Lagunak por 30-21. O gañador foi o Bm. Reale Ademar A que se impuxo na final ao Bm. Grupo Astur.

Finalmente na competición infantil, o Garaysa Xiria tampouco lograba acceder ás semifinais , rematando na terceira posición do seu grupo logo de vencer ao ao Lagunak, 31-21, e caer derrotado ante o Bm. Toledo, 21-34, e Bm. EDM Ademar, 37-14. Este último equipo sería o gañador do torneo ao imporse na final ao Bm. Maristas Ademar.