Vipecón Xiria 42 (18+24): Iván, Miguel (4), Javi (3), Rubén (7), Álex (8), Martín (3), Eduardo(1) -equipo inicial- Bisbi, David, Jorge Viñas (4), Ricardo (2), Jorge Bouzas (8), Luís (2).

Bueu Atlético 22 (16+6): Darío, David (4), Yeray (3), Marcos (7), Simón (2), Cristian (2) -equipo inicial- Anxo, Martín (2), Jaime (2), Carballo, Manuel.

Colexiado: Julio López.

Partido pertencente á 5ª xornada de liga na División de Honra Cadete e que fora aprazado no seu día por mor da convocatoria do carballés David garcía coa selección española promesas. Esta vitoria permítelle ao equipo de Carballo recuperar a segunda praza na táboa clasificatoria.

Os xogadores do Vipecón Xiria comezaron moi agresivos o partido, repetindo a defensa 3:3 do día anterior fronte ao Tui, e co mesmo proposito de conseguir a maior diferenza de goles posible, pero, nesta ocasión e na primeira metade, os de Bueu foron capaces de superar por mobilidade e forza á zaga local. O encontro, aínda que sempre co equipo do Vipecón por diante no marcador, presentaba unhas diferenzas demasiado curtas para o que indicaba a táboa clasificatoria ao principio do encontro, xa que os bueuenses estaban a catorce puntos dos de Carballo ocupando os últimos postos da clasificación. Un inquedante 18-16 era o marcador no descanso, que deixaba moitas incognitas cara a reanudación.

Na segunda parte, os locais sairon como apisonadoras, amosando a verdadeira cara deste equipo. A defensa, que pasaba a ser 5:1, empregabase con contundencia e mobilidade, recuperando balóns e provocando os erros do contrario, o que permitia rapidos contragolpes dos carballeses. En dez minutos que estiveron sen marcar os de Bueu a vantaxe xa era inalcanzable e só existia un equipo na pista que ampliaba a diferenza ata os 20 goles, 42-22, cun escandaloso parcial nesta segunda metade de 24-6.

Con esta vitoria complétase a primeira volta da competición, o Vipecón Xiria colocase nun magnífico segundo posto, a catro puntos do primeiro clasificado, o OAR, e con dous de vantaxe so bre o Octavio que é terceiro.

O seguite partido para o Vipecón Xiria será o vindeiro sábado na dificil pista do Rosal fronte ao Atl. Novás.