A previa da xornada: Ilusionante fin de semana para as Escolas Balonman Xiria!!
En primeira nacional masculina; o sábado ás 19:00 no pavillón de Coia (Vigo) O Calvo Xiria tratará de superar ao conxunto local do Magope Seis Do Nadal. O conxunto olivico,…

En primeira nacional masculina; o sábado ás 19:00 no pavillón de Coia (Vigo) O Calvo Xiria tratará de superar ao conxunto local do Magope Seis Do Nadal. O conxunto olivico, ten baixas importantes respecto á tempada pasada; pero os reforzos tamén son notorios, e unha estrutura de xogo coñecida por os seus xogadores desde a base outorgan continuidade a un equipo que sempre ofrece garantías á hora de competir.
O Calvo Xiria, quere consolidar o bo xogo visto a semana pasada, nun choque que lle esixirá manexar os tempos do partido.
O contraataque, a selección e o momento de lanzamento, claves para conseguir os dous puntos.
O técnico Adrián Dubra dispón de todo o persoal para a disputa do partido.
Pola súa banda, en primeira autonómica feminina, o Calvo Xiria enfróntase a domicilio ao Mantido SL Constr. Bm Xallas. Despois dunha semana de parón polas seleccións galegas, regresa a competición e faino con derbi, o sábado ás 18:00 no pavillón Fontela (Santa Comba).
As xogadoras do Xiria buscar refrendar no partido, o ambiente e as gañas que se respiran adestrando; e abrigo ese bo xogo que lles levou a lograr a vitoria na primeira xornada. O traballo defensivo antóllase fundamental para ver quen leva a vitoria.
No referente ás categorías base; a fin de semana non pode ser máis apaixonante. Ata catro equipos disputan os play off de ascenso. En Redondela o Punta del Este Xiria, enfróntase a Sar Rodavigo, Sd Teucro Pescamar e UB Lavadores Vigo. Serán 3 partidos en 3 días. Haberá emoción polos catro custados.
Tamén con tripla xornada atópanse o Hierros Varela Urbieta Xiria, que xogará contra Calfrima Carballal, Balonmán Porriño B e Coreti Lalín, no pavillón Loureiro (Vigo).
E o Laber Xiria que fará o propio contra Bm Arteixo Maruxía Asesores, Luceros, Carpintería Jar Lalín, en Cangas.
Mentres o Garaysa Xiria, viaxa ata Tui, onde lle espera unha dobre xornada contra Balonman Tui e Sd Teucro Frigoríficos Moldes.
Unha fin de semana cargada de partidos e intensidade que establecerá as aspiracións dos equipos infantís e xuvenís das Escolas Balonman Xiria.
Que non cho conten!!! Ven ao balonmán!!!
