O lateral pontevedrés David López Veleiro non continuará na disciplina do Calvo Xiria para a campaña 2009-2010.

Motivos persoais e de estudos fan que un dos mellores defensores e segundo máximo goleador do Grupo A da 1ª División Estatal deixe o conxunto carballés.
A intención do club carballés era que continuase para a vindeira campaña no Calvo Xiria, onde o xogador afirmou sentirse encantado e perfectamente integrado tanto no club como na vila de Carballo, pero o desexo de finalizar os seus estudos de INEF levano a voltar a súa residencia habitual na localidade de Pontevedra, tentando continuar a súa carreira como xogador nalgún equipo do sur da Galicia, equipos dos que xa manexa algunha oferta.