MAQUISABA XIRIA 15 – 17 ALUZ ENERGÍA GALICIA SOCIAL
Partido correspondente á terceira xornada da segunda fase da Liga Prata, desputado no Fogar (Carballo). Con esta derrota o Maquisaba continúa sen puntuar nesta segunda fase de liga, pero realizando bos partidos que rematarán por dar os seus froitos.
Comezaba o partido dominando no marcador o Maquisaba Xiria, cunha boa defensa activa e cun ataque con movilidade rápida de balón que permitía lanzamentos claros ante a porteira rival.
Na segunda parte mantívose a tónica da primeira, pero os erros de lanzamento condenaban o partido nos últimos minutos.
Na próxima xornada o Maquisaba Xiria viaxará ata Meaño na procura de seguir co crecemento persoal do equipo, que está a realizar moi bos encontros aínda que non dá entrado na senda da vitoria.
