Esta fin de semana comeza a Liga Territorial nas categorías cadete e infantil masculinas.

Na categoría cadete o noso club participará co equipo Oak English Centre Xiria, que estará adestrado por Juan Rodríguez. O cado carballés terá como rivais nesta competición ao OAR Caixanova, Escola Municipal de Camariñas, Tirso de Molina, Balonman Pontedeume.es, Balonmán Oleiros e Balonmano Narón. A competición desenvolverase ata o vindeiro 30 de marzo. Nesta primeira xornada tócalle descansar ao equipo carballés.
Na categoría infantil o Xiria contará con dous equipos na competición, o Ifecgás Pereira Xiria, formado por infantís de segundo ano e adestrado por Juan Rodríguez, e Procasa Xiria, formado por infantís de primeiro ano e adestrado por Fernando Vázquez. Os rivais dos dous equipos carballeses son: OAR Caixanova, Escola Municipal de Camariñas, Tirso de Molina, Balonman Pontedeume.es, Balonmán Oleiros e Balonmano Narón. Ao igual que a competición cadete a infantil rematará o 30 de marzo.
Na primeira xornada duelo fraticida entre os dous equipos do club carballés, neste caso exercerá coma locatario o Procasa Xiria e coma visitante o Ifecgás Pereira Xiria.