O Nordata caeu en Redondela ante a SAR nun gran partido das pontevedresas. As locais comezaron por detrás no marcador pero foron quen de atopar o rumbo e remontar aproveitando a ansiedade das carballesas.
O inicio foi esperanzador para as de Carballo (5-9), pero un parcial de seis goles das redondelanas xenerou moitas precipitacións que sacaron do partido ás verdes. A pesares de que as distancias non eran moi grandes, as locais conseguiron os puntos mostrandose máis fortes e dominando o partido durante case todo o encontro.

Na vindeira semana as do Xiria reciben na casa a un duro rival, que xa lle puxo as cousas moi difíciles no encontro de ida, o UB Lavadores.