As xogadoras do Punta del Este Xiria comezaban o encontro no San Francisco Javier moi acertadas de cara a portería. Sen embargo, as boas accións de 1×1 da primeira liña do Brigantium non deixaban que as do Xiria se distanciaran no marcador. 

Na segunda metade, as xogadoras carballesas saíron dispostas a mellorar o traballo do primeiro tempo. Un gran traballo defensivo, permitiu ás visitantes distanciarse no marcador sen dar a oportunidade ás coruñesas de achegarse.

Segue así o Punta del Este Xiria en liña ascendente onde o traballo das rapazas está a dar os seus froitos en forma de vitorias onde esta fin de semana sumaron a 4ª consecutiva.

Na vindeira xornada o equipo recibirá ao Millaven Centro Jardín CP Lucense, no que se agarda un encontro emocionante entre 2º e 3º clasificado.