Este sábado, 4 de abril, realizaranse varios actos para renderlle homenaxe ao ex-xogador do club Julián Díaz de Valle, falecido recentemente. Estes actos comezaran ás 17.00 h cun partido no que participarán amigos, xogadores veteranos e ex-xogadores do club e prolongaranse ata o inicio do encontro de 1ª Estatal que comeza ás 19.00 h, onde se gardarán uns intres de silencio na súa honra así como na de Carlos Cambón, directivo da AD Xiria falecido este mércores.

Julián comezou a súa andaina deportiva a principios dos anos 80 xogando ao baloncesto no Club Baloncesto Bergantiños e ao balonmán no Club Balonmano Bergantiños, onde militou ata a campaña 83-84. O seu posto era o de pivote. Na temporada 86-87 comeza a xogar no club de balonmán da AD Xiria, con Juan Ramón García como adestrador. Continúa no club ininterrumpidamente ata a temporada 92-93, temporada na que se retira conseguindo no seu derradeiro partido co Xiria, adestrado por Eduardo Patiño, facerse coa Copa Rías Altas, un torneo que reunía aos equipos das provincias da Coruña e Lugo, tras derrotar na final ao Bm Ferrol. Este título foi o primeiro título ofical que conseguiu a Sección de Balonmán da Asociación Deportiva Xiria.