O Nordata venceu no seu derradeiro encontro do ano de forma clara ante o Bm. Caselas, e continúa encaramado no liderato da Liga Ouro.

As de Carballo saíron moi ben na defensa aberta e superaron constantemente o ataque forzando erros e anticipando pases que lles deu goles fáciles na transición (18-3, descanso).

Na segunda metade, as verdes baixaron un pouco a intensidade, o que embarrou un pouco o xogo, pero na última parte do encontro voltarían a dominar ata chegar o resultado final (31-11).

O Nordata marcha ao parón de Nadal encabezando a Liga Ouro xunto o AD. Carballal e ao Bm. Cangas.