Este sábado 13 enfrontábanse os dous equipos infantís femininos de Xiria. Era un partido especial pois este grupo de xogadoras, que adestran xuntas, tiñan que competir entre elas para conseguir 2 puntos. O partido empezou cun ritmo parecido para os dous equipos, pero pronto se impuxo o físico e experiencia das xogadoras de segundo ano. O Punta del Este distanciábase aos poucos no marcador sacando partido ás accións de contraataque. O Garaysa propoñía un ataque con movemento e en carreira, pero víanse freadas pola superioridade física da defensa. Desta maneira chegamos ao descanso con 2-19 para o Punta del Este. Na segunda parte o Garaysa ,lonxe de perderlle a cara ao partido, seguiu loitando sen baixar os brazos. Correron no repregamento e insistiron en buscar ataques aos espazos. Con esta actitude conseguiu mellorar o resultado da primeira parte.

O Punta do Leste suma dous puntos e seguen líderes. O Garaysa continúa coa súa progresión, se a actitude de traballo e loita se manten de seguro que chegaremos a cumprir os obxectivos desta tempada.

GARAYSA XIRIA 6 (2+4) Lucía Lema [p], Paula Abelenda, Stefanía Landri, Uxía Suárez, María García , María Patiño, Coral Ruibal, Candela Couto, Natalia Cancela, Ana Pombo, Lara Hernández

PUNTA DEL ESTE 35 (19+16) Elena Collazo [p],  Valeria Figueroa, Lucía España, Nerea Varela, Nina Pereira, Alba García, Lara Otero, Marta Gómez, Anna Hernández, Paula Bouzas.