O Garaysa vence a pesar do muro arousán(33-15)

O Garaysa Xiria venceu con claridade no seu encontro da segunda xornada da fase de clasificación ante o Bm. Arousa. As carballesas dominaron o xogo a partir da intensidade defensiva, provocando moitas perdas de bola das arousás, e conseguindo goles con transicións moi rápidas que non daban tempo a armarse na defensa ó equipo visitante. A pesar do dominio mostrado polas verdes, tivo que ser no segundo tempo onde se abrirían as distancias, xa que no primeiro tempo a mellor xogadora do encontro, a porteira pontevedresa, provocaba os múltiples erros no lanzamento das do Xiria que impediron maiores distancias. O resultado de 33-15 para as verdes otorga os dous puntos a falta da terceira xornada da fase a disputar en Cangas contra o equipo do Morrazo