Brillante encontro das nosas xuvenís que volven sen recompensa tras plantarlle cara ó líder da categoría.

O venres, as carballesas saltaban á pista sen nada que perder, a boa defensa, apoiada na actuación de Lucía en portería, provocaba moitos erros no ataque cangués. En ataque, o Xiria aproveitaba a mínima vantaxe que concedían as locais e a distancia no marcador ía crecendo ata o 11-16 co que se chegaba ó descanso.

A volta de vestiarios, o Xiria mantivo o ritmo, chegando a poñerse a oito goles de diferenza. Tras isto, as locais amosaron a superioridade en ataque e a brillante actuación de Irene en portería freaba calquera intento das nosas.

Derrota pola mínima nun bonito encontro por parte de ambos conxuntos que amosa a igualdade da liga e importancia de cada punto.