Trala axustada derrota da semana pasada, as nosas xuvenís acadan un empate noutro encontro moi desputado.
Cun inicio de tanteo entre ambos conxuntos, o Xiria parecía ter máis controlado a encontro, mais a boa actuación da porteira visitante refutaba calquera opción de distanciarse no marcador. Comezaron as imprecións das carballesas ó final da primeira metade e as visitantes foron quen de aproveitalas para chegar ó descanso 12-14.
A volta de vestiarios, a igualdade parecía máxima, mais o Xiria parecía estar máis atinado no ataque posicional. O fortaleza defensiva carballesa permitía dar a volta ó marcador a falta de poucos minutos (19-18), mais nun intenso final, os erros de ambos conxuntos remataron nun xusto empate 24-24.
Reparto de puntos nun vibrante encontro que mostra a igualdade na liga ouro e que mantén as nosas na parte media da táboa.