Na mañá do sábado os rapaces do Metalúrgica BB enfrontábanse no Pavillón do CEIP Fogar de Carballo ao Abegondo F40. Un equipo que chegaba como líder do grupo e contaba os seus partidos disputados con vitoria.

O partido comezou moi igualado, cos visitantes cunha defensa 5:1, pero cos de Carballo moi enchufados e xogando un moi bo balonmán a pesares de non estar acostumados a enfrontarse a unha defensa así. O Metalúrgica BB facía así unha primeira parte sobresaínte e chegábase ao descanso cun 11-14 a favor do Abegondo F40.

A segunda parte foi moi diferente e o Abegondo F40 mostrou porque era o líder deste grupo. Os nosos comezaron con moitos erros e os visitantes aproveitárono ao contrataque e fóronse de 10 no marcador. As precipitacións e tamén o cansancio fixeron que se chegara ao final do partido cun 18-37 a favor dos visitantes.

A fin de semana que ven, os nosos terán outra oportunidade, pero esta vez será no Pavillón San Marcos de Abegondo, onde xogarán o último partido deste atípico e complicado 2020.

METALÚRGICA BB XIRIA  18 (11+7): XANO RAMA, ALVARO GOMEZ (2), MARCOS VARELA (10), ANDRES PEDREIRA (2), XABIER FERNANDEZ, ANDRES POMBO, DIEGO BARBEIRA (2), NICOLAS MEJUTO (2), HUGO RIVAS, DANI MARTA.

ABEGONDO F40 37 (14+23): ATALO BELLO (10), YAGO BLANCO, DIEGO CARRACEDO (3), DANIEL GOMEZ, TOMAS (5), LEO (7), GABRIEL VENTURA (4), ADRIAN (4), BRAIS CANDAL, LUCAS (1), MATEO MARTINEZ (3).